ವಿದ್ಯಾರ್ಥಿಗಳ ಶಾಲಾವಾರು ಆಧಾರ್ ಮಾಹಿತಿ 2016-17

ಈ ಫಾರ್ಮ್ಯಾಟ್ ನಲ್ಲಿ ಮಾಹಿತಿ ನೀಡುವುದು.

ಇಜೇರಿ ವಲಯದ ಶಾಲೆಗಳಲ್ಲಿ 'ಸ್ವಚ್ಛ ಭಾರತ ಅಭಿಯಾನ' ಮತ್ತು 'ವಿಶ್ವ ಕೈ ತೊಳೆಯುವ ದಿನಾಚರಣೆ'

ಸ.ಕಿ.ಪ್ರಾ.ಶಾಲೆ ಚಿಗರಳ್ಳಿ ಕ್ಯಾಂಪ್

ಸ.ಹಿ.ಪ್ರಾ.ಶಾಲೆ ಕೊಡಚಿ

ಸ.ಉ.ಕಿ.ಪ್ರಾ.ಶಾಲೆ ಸೀಗರಥಹಳ್ಳಿ

ಸ.ಹಿ.ಪ್ರಾ.ಶಾಲೆ ಗೂಗಿಹಾಳ

ಸ.ಹಿ.ಪ್ರಾ.ಶಾಲೆ ಕೊಡಚಿ

ಅಕ್ಟೋಬರ್2 ರಂದು ರಾಷ್ಟ್ರಪಿತ ಮಹಾತ್ಮ ಗಾಂಧೀ ಅವರ ಜನ್ಮದಿನ. ವಿಶ್ವ ಅಹಿಂಸಾ ದಿನ ಎಂದು ವಿಶ್ವದೆಲ್ಲಡೆ ಆಚರಣೆ. ಇದೇ ದಿನದಂದೇ ಗಾಂಧೀ ಅವರ ಆಸೆಯಂತೆ ಗ್ರಾಮದೆಲ್ಲೆಡೆ ಸ್ವಚ್ಛತೆಯ ಜಾಗೃತಿಗಾಗಿ 'ಸ್ವಚ್ಛ ಭಾರತ ಅಭಿಯಾನ' ದ ಕಾರ್ಯಕ್ರಮ ಆಯೋಜಿಸಿದ್ದು ಗಾಂಧೀ ಅವರಿಗೊಂದು ಶ್ರಮ ನಮನ. ಅದರಂತೆ ಇಜೇರಿ ವಲಯದ ಶಾಲೆಗಳಲ್ಲಿ ಸ್ವಚ್ಛ ಭಾರತ ಅಭಿಯಾನ ಹಂಮಿಕೊಳ್ಳಲಾಗಿತ್ತು. ಇದೇ ರೀತಿ ದಿ.07/10/2016 ರಂದು ಸಮುದಾಯ ದತ್ತ ಶಾಲಾ ಕಾರ್ಯಕ್ರಮದಲ್ಲಿ 'ವಿಶ್ವ ಕೈ ತೊಳೆವ ದಿನ' ಕೂಡ ಆಚರಿಸಲಾಯಿತು. ಕೈ ತೊಳೆವ ವಿಧಾನ ತಿಳಿಸಿ ಎಲ್ಲ ವಿದ್ಯಾರ್ಥಿಗಳು ಏಕ ಕಾಲದಲ್ಲಿ ಸೋಪು ಬಳಸಿ ಕೈ ತೊಳೆಯುವಂತೆ ತಿಳಿಸಲಾಯಿತು.

2016-17 ನೆಯ ಸಾಲಿನ 2ನೆಯ ಸೆಟ್ ಸಮವಸ್ತ್ರ ಅನುದಾನ ಹಾಗೂ ಖರೀದಿ ಮಾಹಿತಿ

ಇಜೇರಿ ವಲಯ ಮಟ್ಟದ ಪ್ರತಿಭಾ ಕಾರಂಜಿ 16/09/2016

ದಿನಾಂಕ 16/09/2016 ರಂದು ಸ.ಹಿ.ಪ್ರಾ.ಶಾಲೆ ಯಾಳವಾರದಲ್ಲಿ ಇಜೇರಿ ವಲಯ ಮಟ್ಟದ ಪ್ರತಿಭಾ ಕಾರಂಜಿ ಹಾಗೂ ಕಲೋತ್ಸವ ನಡೆಯಿತು. ಈ ಒಂದು ಸುಂದರ ಕಾರ್ಯಕ್ರಮವನ್ನು ಶಾಲೆಯ ಮುಖ್ಯಗುರುಗಳಾದ ಶ್ರೀ ಮಹಾಂತಗೌಡ  ಎನ್. ಮಾಲಿ ಪಾಟೀಲ್ ಹಾಗೂ ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿ ಅಧ್ಯಕ್ಷರಾದ ಶ್ರೀ ಮರೆಪ್ಪ ಬರ್ಮಾ ಅವರು ಆಯೋಜಿಸಿದ್ದರು. ಹಿಂದಿನ ದಿನವೇ ಶಾಲಾವರಣ ಹಾಗೂ ಶಾಲಾ ಕೋಣೆಗಳನ್ನು ಸಿಂಗರಿಸಿ ಎಲ್ಲಾ ವ್ಯವಸ್ಥೆಗಳನ್ನು ಏರ್ಪಾಡು ಮಾಡಿದ್ದರು.
    ಅಲ್ಲದೇ ಶಾಲೆಯ ಶಿಕ್ಷಕರಾದ ಶ್ರೀ ಶರಣಬಸವೇಶ್ವರ, ಶ್ರೀ ಕರೆಪ್ಪ, ಶ್ರೀ ಸಂಗಮೇಶ,ಶ್ರೀ ಇಮಾಮ್ ಸಾಬ ಮುಂತಾದವರನ್ನೊಳಗೊಂಡಂತೆ ಎಲ್ಲ  ಶಿಕ್ಷಕ ವೃಂದ ಪೂರ್ವಭಾವಿಯಾಗಿ ಎಲ್ಲ ಸಿದ್ಧತೆಗಳನ್ನು ಮಾಡಿ ಕಾರ್ಯಕ್ರಮ ಯಶಸ್ವಿಯಾಗಲು ಕಾರಣರಾದರು.
 ಅಂದುಕೊಂಡಂತೆ 16/09/2016 ರ ಬೆಳಿಗ್ಗೆ 11.30 ಗಂಟೆಗೆ ಪ್ರತಿಭಾ ಕಾರಂಜಿ ಹಾಗೂ ಕಲೋತ್ಸವ ಉದ್ಘಾಟನಾ ಸಮಾರಂಭ ಪ್ರಾರಂಭವಾಯಿತು. ಸಮಾರಂಭದ ಅಧ್ಯಕ್ಷತೆಯನ್ನು ಶಾಲೆಯ ಮುಖ್ಯಗುರುಗಳಾದ ಶ್ರೀ ಮಹಾಂತಗೌಡ ಮಾಲಿ ಪಾಟೀಲ್ ವಹಿಸಿಕೊಂಡರು. ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ  ಆಂದೋಲಾ ವಲಯದ ಜಿಲ್ಲಾ ಪಂಚಾಯತ್ ಸದಸ್ಯರ ಪರವಾಗಿ ಶ್ರೀ ಮಹಾದೇವಪ್ಪ ದೇಸಾಯಿ, ಗ್ರಾಮ ಪಂಚಾಯತ ಅಧ್ಯಕ್ಷರು, ಸದಸ್ಯರು, ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷರಾದ ಶ್ರೀ ಡಿ.ಬಿ.ಪಾಟೀಲ್, ಕಾರ್ಯದರ್ಶಿಯಾದ ಶ್ರೀ ಗುಡುಲಾಲ್ ಶೇಖ, ಕ.ರಾ.ಪ್ರಾ.ಶಾ.ಶಿ.ಸಂಘದ ಕಾರ್ಯದರ್ಶಿಯಾದ ಶ್ರೀ ಮರೆಪ್ಪ ಮೂಲಿಮನಿ ಹಾಗೂ ಇತರೆ ಸಂಘಗಳ ಪದಾಧಿಕಾರಿಗಳು ಹಾಗೂ ಇಜೇರಿ ವಲಯದ ಸಮೂಹ ಸಂಪನ್ಮೂಲ ವ್ಯಕ್ತಿಗಳಾದ ಶ್ರೀ ಸಚಿನ್ ಕುಮಾರ ಹಿರೇಮಠ ಇವರು ಶ್ರೀ ನಾರಾಯಣ ಗುರು ಇವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ, ದೀಪ ಬೆಳಗುವುದರ ಮೂಲಕ ಸಮಾರಂಭವನ್ನು ಉದ್ಘಾಟಿಸಿದರು. ತದನಂತರ  ಎಲ್ಲ ಗಣ್ಯರಿಗೆ ಸನ್ಮಾನಿಸಿ ಇಜೇರಿ ಸ.ಸಂ.ವ್ಯಕ್ತಿಗಳು ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಶ್ರೀ ಗುಡುಲಾಲ್ ಶೇಖ್, ಶ್ರೀ ಮರೆಪ್ಪ ಮೂಲಿಮನಿ ಮುಂತಾದವರು ಮಾತನಾಡಿದರು. ಶ್ರೀ ಕರೆಪ್ಪ ಕಾರ್ಯಕ್ರಮ ನಿರೂಪಿಸಿದರು. ಶ್ರೀ ಶರಣಬಸವೇಶ್ವರ ಸ್ವಾಗತಿಸಿದರು. ಶ್ರೀ ಅಫ್ಸರ್ ಮಿಯಾ ವಂದಿಸಿದರು.
 ಕಾರ್ಯಕ್ರಮದ ಕೆಲವು ಫೋಟೊಗಳು :