ಸಮೂಹ ಸಂಪನ್ಮೂಲ ಕೇಂದ್ರ ಇಜೇರಿ: November 2016

ಪ್ರಮುಖ ಸಂದೇಶ

Wednesday, 30 November 2016

ಕಲಿಕೆಯಲ್ಲಿ ಹಿಂದುಳಿದ ಮಕ್ಕಳ ಮಾಹಿತಿಯ ನಮೂನೆಗಳು

ಈ ಆದೇಶ ಓದಿ ಹಾಗೂ ಈ ನಮೂನೆಗಳ ಅನ್ವಯ ಶಾಲಾವಾರು(ತಾಲ್ಲೂಕಿನ ಹೆಸರು ಎಂದಿದ್ದಲ್ಲಿ ಶಾಲೆಯ ಹೆಸರು ಎಂದು ನಮೂದಿಸಿ) ನಾಳೆ 01/12/2016 ರಂದು ಮಾಹಿತಿ ತುರ್ತಾಗಿ ನೀಡುವುದು.

Friday, 25 November 2016

ಹೀಗೆ ಆಚರಿಸೋಣ ಸಂವಿಧಾನ ದಿನ (26/11/2016)...

Wednesday, 16 November 2016

‌‍‍ಮಕ್ಕಳ ದಿನ ೧೪.೧೧.೨೦೧೬

ಸರಕಾರಿ ‌‌ಪ್ರೌಢ ಶಾಲೆ ‌ಇಜೇರಿಯಲ್ಲಿ ‌ಮಕ್ಕಳ ‌ದಿನವನ್ನು ‌ ‌ಸಂಭ್ರಮದಿಂದ ‌ಆಚರಿಸಲಾಯಿತು.‌ ಶಾಲೆಯ ಮುಖ್ಯಗುರುಗಳಾದ ಶ್ರೀ ಶಿವಲಿಂಗಪ್ಪ ದುಮ್ಮದ್ರಿ, ಸಹ ಶಿಕ್ಷಕರುಗಳಾದ.ಶ್ರೀ ವೈಜನಾಥ,ಶ್ರೀ ಭೀಮಣ್ಣ ,ಶ್ರೀಮತಿ ಚಂದ್ರಕಲಾ ಹಾಗೂ ಶ್ರೀಮತಿ ತೇಜಶ್ವರಿ ಮುಂತಾದವರು ಹಾಜರಿದ್ದರು. ಇಜೇರಿ ಸಮೂಹ ಸಂಪನ್ಮೂಲ ವ್ಯಕ್ತಿಯಾದ ಸಚಿನ್ ಕುಮಾರ ಪ್ರಾಸ್ತವಿಕ ಮಾತುಗಳನ್ನಾಡಿದರು. ಶಿಕ್ಷಕರೂ ಸಹ ಮಕ್ಕಳ ದಿನದ ಮಹತ್ವವನ್ನು ತಿಳಿಸಿದರು.
ಇದೇ ರೀತಿ ಇಜೇರಿ ವಲಯದ ಶಾಲೆಗಳಲ್ಲಿಯೂ ಸಹ ಮಕ್ಕಳ ದಿನ ಆಚರಿಸಲಾಯಿತು.

Saturday, 12 November 2016

ಟಿಪ್ಪು ಜಯಂತಿ ಹಾಗೂ ರಾಷ್ಟ್ರೀಯ ಶಿಕ್ಷಣ ದಿನಾಚರಣೆಗಳು...

ಇಜೇರಿ ವಲಯದ ವಿವಿಧ ಶಾಲೆಗಳಲ್ಲಿ ಟಿಪ್ಪು ಜಯಂತಿ ಹಾಗೂ ರಾಷ್ಟ್ರೀಯ ಶಿಕ್ಷಣ ದಿನ ಆಚರಿಸಲಾಯಿತು..

ಬಟರ್ ಫ್ಲೈಸ್... ಇದು ಮಕ್ಕಳ ಲೋಕ...

ಅದು ನವದೆಹಲಿಯ ಏರ್ ಪೋರ್ಟಿನ ಎದುರಿನ ಕೊಳಕಾದ ರಸ್ತೆ. ಅಲ್ಲಿ ಮೂರ್ನಾಕ್ಲು ಜನ ಯುವಕರು ಕೆಳಗಿಳಿದು ಸುತ್ತೆಲ್ಲ ವೀಕ್ಷಿಸಿದರು. ಚಿಂದಿ ಆಯುವ ಆ ಮಕ್ಕಳ ದೃಷ್ಟಿಯು ಆ ಮೂರ್ನಾಲ್ಕು ಯುವಕರತ್ತ ಹೋಯಿತು. ಅಲ್ಲಿ ಸರಿಸುಮಾರು 12-18 ಮಕ್ಕಳಿರುವುದನ್ನು ಗಮನಿಸಿದ ಆ ಯುವಕರ ಗುಂಪು ಮತ್ತೇ ಆ ವಾಹನದೊಳಗೆ ಹೋಗಿ ಬಿಡಾರ ಹೂಡಲು ಬೇಕಾದ ಸಾಮಗ್ರಿಗಳನ್ನೆಲ್ಲ ಹೊರತೆಗೆದು ರಸ್ತೆಯ ಪಕ್ಕದಲ್ಲಿ ಒಂದು ಬಿಡಾರ ಹೂಡಿಯೇ ಬಿಟ್ಟರು. ಆ ಸುಂದರವಾದ ಬಿಡಾರ ನೋಡುತ್ತಲೇ ಅಲ್ಲಿದ್ದ ಚಿಂದಿ ಆಯುವ ಬೀದಿ ಮಕ್ಕಳು ಸಹಜವಾಗಿಯೇ ಬಿಡಾರದತ್ತ ಬಂದರು.ಮಕ್ಕಳನ್ನು ಕಂಡ ಆ ಯುವಕರು ಪ್ರೀತಿಯಿಂದ ಅವರನ್ನು ಒಳಗೆ ಬರುವಂತೆ ವಿನಂತಿಸಿದರು. ಮಕ್ಕಳು ತುಸು ಹೊತ್ತು ತಮ್ಮ ಕೆಲಸ ಕಾರ್ಯಗಳನ್ನು ಮರೆತು ಬಿಡಾರದೊಳಗೆ ನಡೆದರು. ಆಗ ಅಲ್ಲಿ ನಡೆದಿದ್ದು ಮಾತ್ರ ವಿಸ್ಮಯ.ಉತ್ಸಾಹಿ ಯುವಕ ಯುವತಿಯರಿಂದ ಸ್ಯಯಂ ಇಚ್ಛಾಶಕ್ತಿಯಿಂದ ಕೇವಲ ಬೀದಿಯಲ್ಲಿ ಅಲೆಯುವ ಮಕ್ಕಳ, ಹೊರಗಡೆ ದುಡಿಯುತ್ತಿರುವ ಮಕ್ಕಳು ಹಾಗೂ ಅನಾಥ ಮಕ್ಕಳ ಉತ್ತಮ ಭವಿಷ್ಯಕ್ಕಾಗಿ ಆರಂಭವಾದ ಒಂದು ಸರ್ಕಾರೇತರ ಸಂಸ್ಥೆ.ಅಸಲಿಗೆ ಅಲ್ಲಿ ಬಂದಿಳದ ವಾಹನ ಒಂದು ಶಾಲಾ ವಾಹನ. ಆ ಶಾಲಾ ವಾಹನದೊಳಗಿದ್ದ ಮೂರ್ನಾಲ್ಕು ಜನ ಯುವಕರು ಬರೀ ಯುವಕರಲ್ಲ. ಅವರು ನುರಿತ ಶಿಕ್ಷಕರು, ವಿದ್ಯಾರ್ಥಿಗಳ ಸುಂದರ ಭವಿಷ್ಯಕ್ಕಾಗಿದ್ದ ಮೆಂಟರ್ ಗಳು. ಅವರು ಹೂಡಿದ್ದು ಬರೀ ಬಿಡಾರವಲ್ಲ. ಅದೊಂದು ಶಾಲಾ ತರಗತಿ. ಆ ಶಾಲಾ ವಾಹನವೇ ಒಂದು ಸಂಚಾರಿ ಶಾಲೆ. ಆ ಸಂಚಾರಿ ಶಾಲೆಯ ಹೆಸರು 'ಬಟರ್ ಫ್ಲಾಯಿಸ್'. ಅಂದರೆ ಚಿಟ್ಟೆಗಳು ಅಂತ. ಬಟರ್ ಫ್ಲಾಯಿಸ್ ಸಂಸ್ಥೆ ಯ ನಿರ್ದೇಶಕರಾದ ರೀಟಾ ಪಾನೀಕರ್ ಅವರು ಹೇಳುವಂತೆ "Butterflies are one of the nature's most beautiful creatures. So is child. Butterfly flits from flower to flower for their sustanance.Our children move constantly for their livelihood. Buterflies have very short lives. Street children have brief childhods.". ಅಂದರೆ ಬೀದಿ ಮಕ್ಕಳು ಥೇಟ್ ಚಿಟ್ಟೆಗಳ ಥರ.ಇಲ್ಲಿ ನಿರ್ದಿಷ್ಟವಾದ ಶಾಲಾ ಕಟ್ಟಡವಾಗಲೀ, ಕಾರ್ಯಾಲಯವಾಗಲೀ ಇಲ್ಲ. ಈ ಶಾಲಾ ವಾಹನ ನಗರಗಳಲ್ಲಿ ದುಡಿಯುತ್ತಿರುವ ಹಾಗೂ ಅನಾಥ ಮಕ್ಕಳನ್ನು ಹುಡುಕಿಕೊಂಡು ಸಂಚರಿತೊಡಗುತ್ತದೆ. ಎಲ್ಲಿ ಅಂತಹ ಮಕ್ಕಳು ಕಾಣಸಿಗುತ್ತಾರೋ ಅಂತವರನ್ನು ಮನವೊಲಿಸಿ ತಮ್ಮ ಶಾಲಾ ವಾಹನಕ್ಕೆ ತುಂಬಿಸಿಕೊಳ್ಳುತ್ತದೆ. ಅಲ್ಲಿನ ಮೆಂಟ್ ಗಳು ಮೊದಲು 6ರಿಂದ 14 ವಯಸ್ಸಿನ ಮಕ್ಕಳನ್ನು ವಿಭಾಗಿಸಿ ಅವರವರ ವಯೋಗುಣಕ್ಕೆ ತಕ್ಕಂತೆ ಮೊದಲೇ ಸಿದ್ಧ ಪಡಿಸಿದ ಪಾಠಯೋಜನೆಯ ಮೂಲಕ ಪಾಠ ಬೋಧನೆ ಮಾಡುತ್ತಾರೆ. ಹೀಗೆ ಈ ಪ್ರಕ್ರಿಯೆ ಸುಮಾರು ತಿಂಗಳುಗಳ ಕಾಲ ನಡೆಯುತ್ತದೆ. ಮುಂದೆ ಆಯಾ ಸಾಮರ್ಥ್ಯಗಳನ್ನು ಮಕ್ಕಳು ಗಳಿಸಿಕೊಂಡ ಮೇಲೆ ಔಪಚಾರಿಕ ಶಿಕ್ಷಣ ಸಂಸ್ಥೆಗಳಿಗೆ ಅಥವಾ ಸರ್ಕಾರಿ ಶಾಲೆಗಳಿಗೆ ಅಂತಹ ಮಕ್ಕಳನ್ನು ಸೇರಿಸಲಾಗುತ್ತದೆ.ಸುಮಾರು 23 ವರ್ಷಗಳೀಂದ ಈ ಸಂಸ್ಥೆ ಹಲವಾರು ಸರ್ಕಾರಿ ಸಂಸ್ಥೆಗಳು, ಸರ್ಕಾರೇತರ ಸಂಸ್ಥೆಗಳು,ಕಾರ್ಪೋರೇಟ್ ಸಂಸ್ಥೆಗಳು ಹಾಗೂ ಶಿಕ್ಷಣ ಪ್ರೇಮಿಗಳ ಬೆಂಬಲದಿಂದ ತನ್ನ ಈ ಅದಮ್ಯವಾದ ಕಾಯಕವನ್ನು ಮಾಡುತ್ತ ಬಂದಿದೆ.ಎಲ್ಲಾ ಸೌಲಭ್ಯವಿದ್ದು ನಮ್ಮ ಶಾಲೆಗಳು ಹಾಗೂ ನಮ್ಮ ಶಿಕ್ಷಕರು ಚಿಟ್ಟೆಗಳಿಂದ ಕಲಿಯುವುದು

ತರಬೇತಿ ಸಾಹಿತ್ಯ ರಚನಾ ಕಾರ್ಯಾಗಾರ - ಕಲಬುರಗಿ

ದಿ. 07/11/2016 ರಿಂದ ದಿ. 09/11/2016 ರವರೆಗೆ ಕಲಬುರಗಿಯ ಸರ್ಕಾರಿ ಪ್ರಾತ್ಯಕ್ಷಿಕೆ ಪ್ರೌಢ ಶಾಲೆಯಲ್ಲಿ ಜಿಲ್ಲಾ ಶಿಕ್ಷಣ ಮತ್ತು ತರಬೇತಿ ಸಂಸ್ಥೆ ಕಮಲಾಪುರ ಹಾಗೂ ಅಜೀಂ ಪ್ರೇಂ ಜಿ ಫೌಂಡೇಶನ್ ಇವರ ಸಹಯೋಗದಲ್ಲಿ ಪ್ರಾಥಮಿಕ ಶಾಲಾ ಸಹಶಿಕ್ಷಕರಿಗಾಗಿ ತರಬೇತಿ ಸಾಹಿತ್ಯ ರಚನಾ ಕಾರ್ಯಾಗಾರ ನಡೆಯಿತು. ಸಿ.ಜಿ.ಹಳ್ಳದ್ ಉಪನ್ಯಾಸಕರು, ಸರ್ಕಾರಿ ಪ್ರಾತ್ಯಕ್ಷಿಕೆ ಪ್ರೌಢಶಾಲೆ ಇವರು ನೋಡಲ್ ಅಧಿಕಾರಿಗಳಾಗಿದ್ದರು. 1ನೆಯ ತರಗತಿಯಿಂದ 3 ನೆಯ ತರಗತಿಗಾಗಿ 'ನಲಿಕಲಿ', 4ನೆಯ ತರಗತಿಯಿಂದ 5ನೆಯ ತರಗತಿ ಹಾಗೂ 6ನೆಯ ತರಗತಿಯಿಂದ 8 ನೆಯ ತರಗತಿಯ ಎಲ್ಲಾ ವಿಷಯನ್ನೊಳಗೊಂಡ ಸಂಕಲಿತ ತರಬೇತಿ ಸಾಹಿತ್ಯ ರಚನೆಗಾಗಿ ಜಿಲ್ಲೆಯ 8 ಬ್ಲಾಕ್ ಗಳಿಂದ ಸುಮಾರು 60 ಜನ ಸಂಪನ್ಮೂಲ ವ್ಯಕ್ತಿಗಳು ಸೇರಿದ್ದರು. ಕನ್ನಡ,ಇಂಗ್ಲಿಷ್ ವಿಜ್ಞಾನ ಮತ್ತು ಪರಿಸರ ಅಧ್ಯಯನ, ಸಮಾಜ ವಿಜ್ಞಾನ ಹಾಗೂ ಗಣಿತ ವಿಷಯಗಳ ಬೋಧನೆಯಲ್ಲಿ ನಂಮ ಶಿಕ್ಷಕರು ಅನುಭವಿಸುತ್ತಿರುವ ಕಷ್ಟಕರ ವಿಧಾನಗಳನ್ನು ಸರಳೀಕರಿಸಿ ತರಗತಿಯಲ್ಲೆ ಕೈಗೊಳ್ಳಬಹುದಾದ ರಚನಾ ವಾದದ ಮೇಲೆ ಆಧಾರಿತ ಚಟುವಟಿಕೆಗಳನ್ನು ಸೇರಿಸಿ ತರಬೇತಿ ಸಾಹಿತ್ಯ ರಚನೆ ಮಾಡಲಾಯಿತು. ನವೆಂಬರ್ 2016 ಮಾಹೆಯಲ್ಲಿ ಈ ತರಬೇತಿ ಸಾಹಿತ್ಯ ಪೂರ್ಣಗೊಂಡು ಡಿಸೆಂಬರ್ ಮೊಲ ವಾರದಲ್ಲಿ ನಂಮ ಶಿಕ್ಷಕರಿಗೆ ತಲುಪಲಿದೆ. 5 ದಿನಗಳ ತರಬೇತಿಯಲ್ಲಿ ಸಮಗ್ರವಾಗಿ ಎಲ್ಲ ವಿಷಯಗಳ ಬೋಧನಾ ವಿಧಾನ, ಚಟುವಟಿಕೆಗಳು ಹಾಗೂ ಸಂತಸದಾಯಕ ಕಲಿಕಾ ವಿಧಾನದ ಬಗ್ಗೆ ಸಂಪನ್ಮೂಲ ವ್ಯಕ್ತಿಗಳು ಸುಮಾರು 1200 ಶಿಕ್ಷಕರಿಗೆ ತರಬೇತಿ ನೀಡಲಿದ್ದಾರೆ.